Россиядә мәҗбүри автоиминият процессын гадиләштерергә мөмкиннәр
(Казан, 10 июнь, «Татар-информ»). РФ Дәүләт Думасы гражданнарны ОСАГО полисын рәсмиләштерү өчен диагностик карта күрсәтү бурычыннан азат итә торган төзәтмәләр кабул итәргә планлаштыра. Россия автоиминиятчеләр берлеге шундый тәкъдим белән чыгыш ясаган.
Яңалыкны профильле комитетында фикер алыштылар һәм Транспорт министрлыгы, Финанс министрлыгы, Үзәк банк һәм Эчке эшләр министрлыгы белән килештерделәр. Хөкүмәт үзгәрешне хуплады. Яңа закон проекты 22 августтан үз көченә керергә мөмкин. Бу турыда РИА Новости хәбәр итә.
Әлеге төзәтмәләрнең кирәклеген коронавирус пандемиясе вакытында техосмотр станцияләре саны шактый кимегән, һәм автомобильчеләргә диагностика процедурасын үтәргә урын юк, дип аңлаттылар.
Агымдагы елның 1 февраленә кадәр бирелгән барлык диагностик карталарның гамәлдә булу вакыты 1 октябрьгә кадәр озайтылды.