Москва: «Яблоко» партиясынын төрт талапкери каттоодон өттү
13-августта Москва шаардык соту шайлоо комиссиясынын Митрохинди каттоодон баш тарткан чечимин жокко чыгарган эле. Буга чейин аймактык шайлоо комиссиясы Митрохин топтоп келген кол тамгаларда маселе бар экенин жүйө келтирип, аны талапкер катары каттабай койгон.
Ал сыяктуу ондогон өз алдынча активисттер шайлоого катыша албай калганы Москвадагы түмөндөгөн адам катышкан нааразылык акцияларына себеп болгон. Акыркы жолу 10-августта орус баш калаасында 60 миңге чукул киши жүрүшкө чыккан эле.