«Հայկական սփյուռքն իմ հանդեպ հետաքրքրություն չի դրսևորել, մինչ ես չդարձա հայտնի մարդ». Մարգարիտա Սիմոնյան (տեսանյութ)
RT հեռուստաալիքի գլխավոր խմբագիր Մարգարիտա Սիմոնյանը պատմել է՝ ինչպես է դարձել Ռուսաստանի ամենահայտնի լրագրողներից մեկը, ինչպես նաև անդրադարձել է քննադատություններին, ըստ որոնց իրեն իր կարիերայի ճանապարհին էապես օգնել է հայկական սփյուռքը, մասնավորապես՝ ֆինանսական աջակցություն ցույց տվել:
«Москва 24»-ին տված հարցազրույցում Սիմոնյանը հերքել է այդ լուրերն ու հավելել, որ հայերի զգալի մասը նրան անգամ չի ճանաչել մինչ հանրային անձ դառնալը:
«Ես երբեք չեմ լսել հայկական սփյուռքի մասին և ոչ ոքի հետ չեմ շփվել, իսկ սփյուռքն իմ հանդեպ հետաքրքրություն չի ցուցաբերել, մինչ ես չդարձա Մոսկվայում հայտնի մարդ», - ասել է լրագրողը:
Սիմոնյանը, մասնավորապես, զավեշտալի է համարել այն պնդումները, թե իր գործնական հաջողությունների մեջ մեծ դեր ունի իր հայրը, կամ թե «հայկական սփյուռքն իր համար միլիոն դոլար է վճարել»:
Տեսանյութը կարող եք դիտել այստեղ՝ 27-րդ րոպեից: