Астана: Ан-148 учагында казак жарандарынын бар-жогу текшерилип жатат
«Ушул тапта казакстандыктар тууралуу маалымат жок», - деди Жайнаков «Казакинформ» агенттигине.
Жекшембиде Ан-148 үлгүсүндөгү жүргүнчү ташыган учак Москванын «Домодедово» аэропортунан Орск шаарын көздөй учуп чыккандан кийин көп өтпөй кулап, ичиндеги 71 киши каза болду. Учак “Саратов аба жолдору” компаниясына таандык.
“Cаратов аба жолдору” 1994-жылы уюшулган. 2017-жылы 750 миңдей жүргүнчү ташыган. Авиакомпаниянын Орусиянын ички каттамдарын тейлеген 13 учагы бар.