ტრამპი არ მოვა საქართველოსთან, საქართველო უნდა მივიდეს ტრამპთან - გიორგი რუხაძე
აშშ-ის ახალმა პრეზიდენტმა ინაუგურაციაზე სხვადასხვა თემაზე ისაუბრა. გზავნილებში ამერიკული ბიუროკრატია გააკრიტიკა, ისაუბრა პოლიტიკურ კლასსა და ამერიკის მოქალაქეებზე.
საერთაშორისო ურთიერთობების სპეციალისტი, გიორგი რუხაძე, მიიჩნევს, რომ ტრამპმა საგარეო პოლიტიკაზე საკმაოდ ცოტა ხანს ისაუბრა. მისი თქმით, ეს არის ერთგვარი სიგნალი, რომ აშშ ტრამპის ადმინისტრაციის ქვეშ ნაკლებად აქტიური იქნება ზოგადად საგარეო პოლიტიკის მიმართულებით.
„საქართველოსთან მიმართებაშიც, ბუნებრივია, უფრო პასიური პოზიციები იქნება და რამდენად დარჩება საქართველოს საკითხი ვაშინგტონის დღის წესრიგში, დიდწილად დამოკიდებული იქნება საქართველოს პოზიციაზე, რამდენად აქტიური იქნება საქართველოს ხელისუფლება იმ მიმართულებით, რომ საქართველო კვლავაც დააბრუნოს ზოგადად საერთოთ საერთაშორისო პოლიტიკის დღის წესრიგში,“ - აცხადებს გიორგი რუხაძე.
მისი თქმით, ხელისუფლებამ 2 რამეზე უნდა გაამახვილოს ყურადღება, რათა მიიზიდოს დასავლეთის ყურადღება. ერთი ეს არის, დაამტკიცოს, რომ რეგიონში ლიდერია და რეფორმების გზას დაადგეს და გახდეს სრული დემოკრატია. მეორე, რუსეთთან მიმართებაში ჰქონდეს პრინციპული პოზიცია.
მისი თქმით, „ტრამპი არ მოვა საქართველოსთან, საქართველო უნდა მივიდეს ტრამპთან“.