„გამოძიების დაწყება მისასალმებელია" - დავით სერგეენკო მერაბიშვილის საქმეზე
ვანო მერაბიშვილის ციხიდან გაყვანის საქმეზე გამოძიების დაწყებას მიესალმება მინისტრთა კაბინეტის ნაწილი. საქართველოს შრომის, ჯანმრთელობისა და სოციალური დაცვის მინისტრი დავით სერგეენკო სტრასბურგის სასამართლოს გადაწყვეტილების შემდეგ, გამოძიების დაწყებას, სტრასბურგის სასამართლოს გადაწყვეტილების შესასრულებლად გადადგმულ ნაბიჯად აფასებს.
„გამოძიების დაწყება, რა თქმა უნდა, მისასალმებელია, რადგან არც ერთი კითხვაზე არ უნდა დარჩეს გაუცემელი პასუხი. თუ რატომ დაიწყეს სტრასბურგის სასამართლოს დასკვნის შემდეგ, ამის გაკეთება, მე ვფიქრობ, ეს სტრასბურგის სასამართლოს გადაწყვეტილების შესასრულებლად გადადგმული ნაბიჯია,“ - განაცხადა დავთ სერგეენკომ.
ამავე თემასთან დაკავშირებით, განათლების მინისტრი ალექსანდრე ჯეჯელავა მიიჩნევს, რომ სტრასბურგის სასამართლოს გადაწყვეტილების საფუძველზე, გამოძების დაწყება აუცილებელია. თუმცა აცხადებს, რომ კომპეტენტური არ არის იმ საკითხში, თუ ვინ უნდა დაიკითხოს გამოძიების ფარგლებში.
„ვფიქრობ, რომ საფუძვლიანად, უნდა გაირკვეს იმისთვის, რომ არავის არ მიეცეს საშუალება, რომ გამოიყენოს ეს ამბავი თავის სასარგებლოდ,“ - განაცხადა ალექსანდრე ჯეჯელავამ.
შოთაძის უწყებამ ყოფილი პრემიერის ვანო მერაბიშვილის ციხიდან გაყვანის ფაქტზე გამოძიება დაიწყო.
ავტორი: მარიკა გოცირიძე