Татьяна Навка Камилә Вәлиеваның популярлыгы турында: «Мондый яшьтә бик куркыныч»
2006 елгы Олимпия чемпионы Татьяна Навка фигуралы шуучы Камилә Вәлиеваның популярлыгы турында фикерен белдерде. Бу турыда «Татар-информ» яза.
Күптән түгел Вәлиева Навканың «Наши надежды» мәктәбендә тренер Светлана Соколовская җитәкчелегендә шөгыльләнә башлады.
«Камиләнең популярлыгы, әлбәттә, мондый яшьтә бик куркыныч. Һәр кеше дә иңнәрендәге мондый җаваплылык йөген күтәрә алмый. Әмма бу кыз бик яшьли алган «көтелмәгән каты сугу» аны бераз җиргә төшерде, әлбәттә. Камилә бик акыллы һәм дөрес тәрбияләнгән кыз, шуңа күрә бу Җирдә һәм бу дөньяда үз-үзен хис итүе дә тәртиптә булыр дип өметләнәм», — диде Навка «ДоброFON» видеосында.