Көймәдә барганда суга төшеп киткән ир-атның кулын крокодил өзеп алган. Бу турыда «Лента.ру» хәбәр итте.
Малайзиядә яшәүче ир-атның көймәсе суда әйләнеп капланган. Шул чакта аңа крокодил һөҗүм иткән.
Фаҗига Кинабатанган елгасында Сабах губернаторлыгында була. 40 яшьлек Мазнин Кахар 3 дусты белән көймәдә йөзә. Шуннан соң бер мизгелдә көймә әйләнеп каплана.
Кахарның 3 дусты да ярга чыгарга өлгерә, ә Кахарга крокодил һөҗүм итә. Ул ярдәмгә чакырырга өлгерә, аннары су астына төшеп китә.
Икенче көнне һөҗүм иткән урыннан 1 км ераклыкта суда ир-атның калдыклары табыла. Аның Кахар булуын ачыклыйлар. Полиция хәбәр иткәнчә, крокодил Кахарның кулын өзеп алган, диелә хәбәрдә.
