Беренче татар коуч Илүзә Әминова кызы Зәлия белән кызыклы сөйләшүе турында социаль челтәрдәге сәхифәсендә бүлешкән.
«Әнием, син әтиемне ул сине яратканга караганда да ныграк яратасың кебек. Ә әтием сине әзрәк ярата», – диде кызым.
Кичке аш вакытында шул хакта сөйләштек бүген.
Әйе, мәхәббәтне, яратуны төрле кеше үзенчә күрсәтә, һәм шуның белән без «ярата», "яратмый» турында төрлечә фикер йөртәбез.
Мин яратуымны кочаклау, үбү, матур сүзләр әйтү, бертуктаусыз сыйпап китү, сырпалану белән күрсәтәм, бу – минем «ярату телем» (язык любви).
Ә Ниязымныкы ул – кайгырту, машинама бензин салу, киемнәр алуымны, өшемәвемне кайгырту, ял итүемне искәртү, җайлау, акча табу, машинама ТО үткәрү, яхшы машинада йөрүемә ирешү һәм башка бик күп яратуын искәртә торган гамәлләр (бу хакта күп вакытта балалар белми кала)», – дип язган коуч.
«Әнием, ә әтием ныграк ярата икән бит, аның яратуы кыйбатрак», – дигән фикергә килгән кызы, сөйләшүдән соң.
