Аш-су блогеры Гөлнара Габдуллинаның ире чираттагы ялга кайткан. Самат – хәрби фельдшер, ул махсус операция башлану белән үк хезмәткә киткән иде.
Гөлнара сәхифәсендә тормыш иптәшенең кызы белән очрашуы мизгеле белән бүлешкән. Видеоны 2 сәгатьтә 4 меңнән артык кеше карап өлгергән.
«Әлхәмдүлилләһ! Әтисе безгә сюрприз ясады. Аның кайтачагын белмәдек. Әмма аның кайтканын төшемдә күргән идем. «Балаларга уенчыклар җибәргән идем, чык әле, имза куярга кирәк», – дип шалтыратты ул. Чыксам, ул басып тора...» – дип язган блогер.
Видеоны караучыларның да күңеле тулган. Алар гаиләгә «һәр бала да әти-әнисе тәрбиясендә үссен иде», «кызларыгызны тигезлектә үстереп, оныкларыгызны күрергә язсын» кебек изге теләкләрен язып калдырган.
