Кичә «ел туе» булды – танылган буйдакларының берсе, популяр алып баручы, шагыйрь Ренат Галиәскәр өйләнде, дип хәбәр иткән идек.
Социаль челтәрләрдә мәҗлескә чакырылган бихисап кунаклар тарафыннан төшерелгән беренче фото-видеолар да пәйда була башлады. Аларның кайберләрен Ренат үзе дә сторисларына күчереп куйган. Туйдагы бөтен кешеләр сокланган мизгел – кәләшнең Ренатка багышлап җыр башкаруы булган. Әлеге видеоны Айваз Садыйров социаль челтәрләргә куйды. «Кияү, хисләнүдән, чүт аңын югалтмады», – дип яза ул бу турыда. Чыннан, кәләше үзенә багышлап: «Синнән башка яшәү яшәүмени?» – дип җырлаганда, Ренатның, хәтта ки, күзләре яшьләнә.
Сторислардан аңлашылганча, Ренат белән Айгөл башта мәчеттә никах укытканнар. Никах өчен аларның икесенең дә милли стильдәге киемнәр сайлавы турында әйтеп киткән идек.
Ә кич белән яшьләрнең туй мәҗлесе гөрләгән. Туйны Гөлназ Сәфәрова һәм Рамил Шәрәфиевлар алып барган.
Туйга килгән кунакларны, популяр җырчыларны, яшьләрнең беренче биюен, гомумән, бәйрәмнән атмосфераны түбәндәге видеоларда карый аласыз.
