«Чүт сугышмадык»: Илнат Фархуллин Олеся Леснаяның үз-үзен тотышын ошатмаган
Артистларга гадәти булмаган сораулар биреп, аларны башка яктан ачып күрсәтүче блогер Олеся Лесная бу арада Илнат Фархуллин белән очрашкан. Җырчының УНИКС залында шаулап-гөрләп узган концерты алдыннан видеолар да төшергән. Ул сәхнә артында Илнатны тормышта ничек бар, шулай итеп күрсәтә. Олеся белән Илнатның әңгәмәсе баштан ук үзгәрәк стильдә – тәнкыйть характерында башланган.
«Син бик тәкәббер, имеш инде. Имеш, син бик «текә» инде. Синнән башка бер кеше юк. Кешедә синекеннән дә матуррак фигура юк инде «как будто». Шуны халык алдында мактанып… Имеш, синең берәр нәрсәң халыкка кызык.
Үзеңне гадичә тот. Син – бәрәңге арасыннан, тирес арасыннан чыккан кеше. Син бит инде – бәрәңге кешесе. Син – шул ук тирес кешесе. Менә син авылда ничек галушта йөрисең, шулай гади тот үзеңне. Кү.еңне болгамыйча да йөреп була (җырчы блогерның йөрешен күрсәтә – ред.). Тыныч кына. Син инде арттырасың, имеш, бик «текә».
Син ничек – шулай тот үзеңне. «Показушником заниматься не надо», – дип киңәшләрен бирә Илнат .
«Чүт сугышмадык бүген», – дип язып, Лесная үзен тәнкыйтьләгән күренешне социаль челтәргә чыгарды.