Россия Гидрометеорология үзәге фәнни җитәкчесе Роман Вильфанд фәнни яктан расланган 2 сынамыш турында сөйләгән. Бу – яңгыр алдыннан кошлар түбән очу һәм кояшның баткандагы төсе белән иртәгә булачак һава торышы арасында бәйлелек. Бу турыда chelny-izvest.ru хәбәр итә.
Сынамышлар күбесе очраклы туры килә. Ләкин кыска вакытлы кайсыбер сынамышлар чынга аша.
Яңгыр алдыннан кошлар түбән очу болай аңлатыла: яңгыр алдыннан һава дымга туена, вак бөҗәкләрнең канатлары юешләнә, алар астанрак оча башлый – кошлар шуларны алыр өчен түбәнәя.
Шәфәкъ төсе белән һава торышы бәйле. Әгәр кояш батканда кызарса, иртәгә һава торышы яхшы була. Кояш аксылрак булса, явым-төшем, җил, болытлылык көтелә. Чөнки фронт килгәндә барлыкка килә торган бердәй булмаган һава массасы аша узганда кояш нурларының бөтен спектры йотыла, диелә хәбәрдә.
