8 сентябрьдә Башкортстанда кешеләр утырган машина Агыйдел елгасына төшеп киткән. Салонда ике олы кеше һәм өч бала була. 7 яшьлек малай югалган. Бу турыда Россия Гадәттән тыш хәлләр министрлыгы телеграм-каналында хәбәр ителә.
Ял итүче кешеләр елга буена машинада килә, аның прицебында көймә була. Суга төшергән чакта көймә прицепны да, машинаны өстерәп суга алып кереп китә. Машина салонындагы кешеләр котыла, тик 7 яшьлек малай гына чыга алмый. Аны коткаручылар эзли, диелә хәбәрдә.
Соңрак машинаны судан чыгаралар. Бала табылмаган. Аны эзләүне иртән дәвам итәчәкләр, диелә бу хәбәрдә.
Фото: © https://t.me/mchs_official
