12 июльдә Екатеринбургта 17 яшьлек кыз подъезд янында егыла да үлә. Ул дизайн һәм сервис техникумында укыган. Бу турыда «Комсомольская правда» хәбәр итте.
Светлана (исеме үзгәртелә) әнисенә супермаркетта ярдәм итә. Кичке дүртләр тирәсендә ул такси чакыра һәм өйгә кайтырга җыена. Өйдә сеңлесе көтеп тора.
Кыз «Киа Рио» машинасында кайта, 10 метр чамасы узгач, подъезд янында авыр итеп сулый да егыла. Аннары берничә минут хәрәкәтсез ята. Домофон язмасыннан ишетелгәнчә, Светлана ярдәм сорап кычкырмакчы була. 5 минут узгач, аны бер ир-ат табып ала, ул «ашыгыч ярдәм» чакыра. Табиблар килгәндә кыз үлгән була инде.
Кызның үлеме сәбәбе 1 айдан соң гына билгеле булачак. Анасы сүзләренчә, быел җәен Светлана уку урынын алмаштырып, техникумга керергә җыенган.
«Эштән кайтып килә иде. Миңа кибеттә ярдәм итте, товарларны киштәгә тезде. Өйгә кадәр такси чакырды. Аннары кече кызым шалтыратып, апасы кайтмавын әйтте. Мин аңа шалтыраттым, миңа «ул үлде» диделәр. Балаң үлүен телефоннан әйтергә ярыймы инде? Йөрәк дип шикләнәләр», – ди әни кеше.
