Алия һәм Ришат Төхвәтуллиннар гаиләсе зур компания белән Төркиягә ялга очкан. Гаилә аэропорт каршында күңелле видео да төшергән. Ришат белән Алия, Ришатның сеңлесе Айгөл белән аның тормыш иптәше Илгиз, кызлары Сәидә рәхәтләнеп татарча бииләр. Дәртле биюләр диңгез ярында дәвам итә. Анда инде яшьләргә, Төркиягә алданрак очып килгән Алиянең әти-әнисе дә кушыла.
Алиянең сторисларыннан аңлашылганча, әти-әниләре, иң беренче чиратта, Алиягә бәби карашырга да килгән. Ләкин сабый көннән-көн үсә, әнисенең каядыр китәргә җыенганын тиз төшенә һәм бер дә аннан каласы килми икән.
«Бүген Айгөл белән кибеткә барып кайтмакчы идек. Әни Алимны карап торырга теләк белдерде. Алим шундый яхшы кәеф белән калган иде. Ләкин 15-20 минут уздымы-юкмы, әни: «Алим туктамый елый, тизрәк кайтыгыз», – дип язды. Аннан әти: «Каты елый», – дип язды. Аннары Ришат шалтыратырга тотынды.
Кайтсак, бала елап беткән. Әни сүзләренчә, бу хәл мин китү белән башланган. Бала инде барысын да аңлый, минем киткәнне сизә һәм үпкәли», – дип яза Алия.
