ერთიან ნაციონალურ მოძრაობაშითვლიან,რომ ფიქრობენ, რომ ხელისუფლება საკუთარი ქმედებებით არასწორ ნაბიჯებს დგამს ნატოსთან ინტეგრაციის პროცესში. განსაკუთრებულ ყურადღებას საპარლამენტო უმცირესობაში კომუნიკეში არსებულ ჩანაწერზე ამახვილებენ, რომელიც მედიის თავისუფლებას ეხება.
"სამწუხაროდ გაჩნდა ჩანაწერი კომუნიკეში სადაც ნატო მიუთითებს იმ ვითარებაზე რაც ქვეყანაში არის კერძოდ მედიის თავისუფლებისა და კანონის უზენაესობის კუთხით. ეს საკითხები კომუნიკეში ნახსენებია როგორც პრობლემური საკითხი, რომელსაც ყურადღების გამახვილება და ძალისხმევა ჭირდება. ჩვენ გვინდა რომ რაც შეიძლება სწრაფად შევიდეს ნატოში. მიუხედავად იმისა, რას აკეთებს საქართვეოს მთავრობა ჩვენ მუდმივად მოვუწოდებთ მათ რომ საქართველო რაც შეიძლება მალე გაწევრიანდეს ნატოში,"- განაცხადა ზურაბ ჭიაბერაშვილმა.
თავისუფალი დემოკრატები კი ფიქრობენ, რომ საქართველოს მთავრობას ჩავარდნები აქვს.
"ნატოსთან მიმავალ გზაზე ბევრი რაღაც გამადიდებელი შუშით კონტროლდება. ბევრი მიმართულებით არის ჩავარდნები. ჩვენ ვნახეთ მთელი რიგი განცხადებები რომელიც იყო უპრეცედენტო, სიტყვის გამოხატვის თავისუფლებასთან დაკავშირებით,"- აცხადებს ზურაბ აბაშიძე.
ახალ პოლიტიკურ ცენტრ გირჩში ამბობენ, რომ ხელისუფლება არაკოორდინირებული და არათანმიმდევრულია.
"მთავარი პრობლემა რაც ჩანს არის ის, რომ დღევანელი ხელისუფლება არათანმიმდევრულია და არაკოორდინირებულობაა. ხედავს ყველა რომ საქართველოში არის პრობლემები. მაგალითად რუსთავი2-ის თემა მოსამართლე ურთმელიძის საკითხი. ჯამში ეს ყველაფერი აჩენს კითხვებს,"- განაცხადა დეპუტატმა ზურაბ ჯაფარიძემ.
ავტორი: ნინო სამყურაშვილი
