Ильмира Нәгыймова тамашачылары Руслан Кираметдинов белән Вадим Захаровны тәнкыйтьләгән
Ильмира Нәгыймова белән Руслан Кираметдиновның аерылышуына 3 елга якын вакыт узуга карамастан, бу тарихка нокта куела алмый. Элеккеге ир белән хатын гел бер-берсенең исемен телгә алып, яңа гаугаларга сәбәп биреп тора.
Шушы көннәрдә Ильмира Нәгыймова социаль челтәрдә төшенкелеккә бирелгән чагын күрсәткән иде.
«Русланның бөтен фанатлары минем сәхифәмнән китегез, мине карамагыз, мин туйдым. Арыдым шушы әйбердән», – дип, күз яшьләренә буыла-буыла сөйләде Ильмира Нәгыймова сторисларында.
- Ильмира Нәгыймова, елый-елый, сторисларында: «Бер аерылуым белән…»
Шушы хәлләрдән соң Руслан Кираметдинов белән Вадим Захаров төшергән видео күпләрнең күңел кылларына тигән. Вадим, Нәгыймова сторислары турында белепме-белмичәме, Руслан Кираметдиновның «нәрсә сөйләргә белмәсәң, еларга кирәк» дигән сүзләрен кабатлап көлә. Аңа Руслан үзе дә кушыла.
Аерылган ир белән хатын арасында барган «сугыш»ка Вадим Захаровның эләгүе күпләрне аптырашта калдырган, чөнки видеоны нәкъ ул төшерә.
- Руслан Кираметдинов Ильмира Нәгыймованың елаганыннан көлгән
Бу видеода Ильмира Нәгыймова турында бер сүз дә әйтелмәсә дә, ул бу шаяртуны үзеннән көлү дип кабул иткән, күрәсең, – бу күренешне үзенең сторисларына куйган. Аның язылучылары Руслан белән Вадимның икесен дә бергә тәнкыйтьләргә тотынган. Кешеләрдән килгән комментарийларны Ильмира сторисында «бумеранг» дип язып күрсәтте:
«Коточкыч, маймыллар! Әле тикшереп тә, укып та баралар икән»;
«Коточкыч. Вадим Захаровтан моны көтмәгән идем»;
«Балаларыгызның әтисе. Балалар өчен дәшми калырга була иде»;
«Спортзалга йөрсәләр иде майда йөзгәнче»;
«Мондый ир-атларга караган хатын-кызлар кызганыч»;
«Миләре булмаганнарга бернинди акча да, элемтә дә ярдәм итә алмый. Үзләрен үзләре түбәнсетә. Шулкадәр түбән гамәл»;
«Ике ахмак»;
«Бу – ир-атлар түгел»;
«Мәгънәсезләр», – дип нык кына тупас сүзләр белән дә сүккәннәр «егетләр»не.