— Ապրիլի 11-ին Սոթք և Ակունք գյուղերի բնակիչ 2 տղամարդ սեքսուալ բնույթի գործողություններ են կատարել 2011թ. ծնված մի աղջկա նկատմամբ․․․
The post Բռնաբարված երեխան ծանր վիճակում է, ձերբակալված է 2 տղամարդ first appeared on Epress.am.13 տարեկան երեխային բռնաբարած տղամարդիկ ձերբակալվել են և խոստովանական ցուցմունք տվել։
«Ապրիլի 11-ին ոստիկանության Վարդենիսի բաժնում օպերատիվ տեղեկություններ են ստացվել, որ Սոթք և Ակունք գյուղերի բնակիչ 2 տղամարդ սեքսուալ բնույթի գործողություններ են կատարել 2011թ. ծնված մի աղջկա նկատմամբ: Տղամարդիկ ձերբակալվել և տեղափոխվել են բաժին, որտեղ խոստովանել են կատարվածը և կից փաստաթղթերի հետ ներկայացվել քննչական կոմիտե», – ասել է Ոստիկանության լրատվական բաժնի պետ Զարզանդ Գաբրիելյանը:
Քննչական կոմիտեում վարույթ է նախաձեռնվել, մեղադրանք է առաջադրվել անչափահասի նկատմամբ սեռական բռնություն գործադրելու համար, երկուսն էլ կալանավորվել են։
Aysor.am-ի տեղեկություններով, կալանավորվածներից մեկը տաքսու վարորդ է։
Դեպքից հետո երեխան տեղափոխվել է հիվանդանոց․ «Այս պահին աղջկա վիճակը շատ ծանր է, բժիշկները պայքարում են նրա կյանքի համար»։
Անչափահասների նկատմամբ կատարված հանցագործությունների 1159 գործ է նախորդ տարի Քննչական կոմիտեում քննվել։ Դրանցից միայն 78-ն են դատարան ուղարկվել։ Դատարան ուղարկված գործերից 14-ը հարուցվել են սեռական բնույթի գործողության հոդվածով։
The post Բռնաբարված երեխան ծանր վիճակում է, ձերբակալված է 2 տղամարդ first appeared on Epress.am.