Татар эстрадасының популяр җырчыларының берсе, җырлар авторы Ильмира Нәгыймова «Татарстан – Яңа гасыр» телеканалында кунак булды. «Сөйләшергә вакыт» тапшыруының алып баручысы Лилия Кадыйрованың «хатын-кызлар белән дуэтларың чыга, көндәшлектән курыкмыйсыңмы» дигән соравына җавап бирде.
«Көндәшлектән курыкмыйм. Көнләшмим, мин дә юк ул әйбер һәм миңа шулай яшәргә рәхәт. Мин һәрберсенә сокланам. Гөлназ Асаеваның моңлы тавышын яратам. Гүзәл Уразовага һәм Илсөя Бәдретдиновага сокланам. Мин бит концертларны оештырырга ничек авыр булуын беләм. Алар рәттән 10-15 концерт куя. Әле мин Казанда 1 концерт куйдым, өстемнән зур йөк төшкәндәй булды, җиңел сулап куйдым. Алар бит көн дә, көн дә зур концерт куя. Аларга сокланам, шаккатам. Алар кебек үк көчле хатын-кыз буласы килә. Алар – минем өчен үрнәк», – диде Нәгыймова.
Ильмира Нәгыймова психолог ярдәменә мохтаҗ булуын сөйләде
Ильмира Нәгыймова кияүгә чыгу турында: «Ир булгач, тагын бер бала өстәлә кебек»
