Рифат Зарипов Уфага барып, баянга концерт куеп кайткан. Аппаратурасы берничә тапкыр сүнеп, җырчыны кыен хәлгә калдырган. Алай да, Рифат, югалып калмыйча, җырларын баянга кушылып җырлап чыккан.
«Уфа, рәхмәт сезгә түзгәнегез өчен. Аппаратура 3-4 тапкыр шартлап сүнгәннән соң, баянга гына булдыра алганча җырладык. Тамашачы бик рәхәт һәм бик җылы кабул итте», – дип яза ул үзенең сәхифәсендә.
Нәкъ шушы ук залда, шундый ук хәл юмор остасы Рамил Шәрәповның да концертында да күзәтелгән икән.
«Молодец, Рифат. Уфада минем дә шулай булды. «Красопетка»ны баянга җырлап чыктым», – дип язган ул аңа.
«Аппаратура түзми, тамашачы түзә», «Супер булды, моңлы кеше югалып калмый инде ул», «Концерт нык шәп узды. Үзебезчә, авылча. Көлдердең елатканчы», «Искитмәле тавыш. Халык синең баянга җырлавыңны ныграк ярата», – дигән эчтәлектәге үсендерә торган комментарийлар да бихисап.
