«Хозур» нәшрият йорты «Дин вә мәгыйшәт» редакциясенең «Ислам турында татарча, аңлаешлы итеп язабыз» телеграм-каналында сәфәрдә булганда укылмаган намазлар турында аңлатма бирелә.
Мосафир намазын укый алмыйча калдырса, ничә рәкәгать каза кылырга тиеш?
Сәфәрдә укылмыйча калдырылган 4 рәкәгатьле намазны 2 рәкәгать итеп каза кылырга кирәк.
Бу мондый кагыйдә буенча хәл ителә: «Намаз ни рәвешле фарыз кылынган булса, шул рәвешле каза кылына».
Сәфәрдә 4 рәкәгатьле намазны 2 рәкәгатькә кадәр кыскартырга тиеш булганлыктан, мосафир мондый намазны калдырса, ул аны 2 рәкәгать итеп каза кылырга тиеш (Борханеддин Әбүл-Хәсән Әл-Мәргинәни, «Әт-тәҗнис вәл-мәзид»).
Аллаһка яхшырак мәгълүм.
