Ильмира Нәгыймованың «Агыйдел сулары» җыры барлык музыкаль мәйданчыкларга чыкты. Җырның сүзләрен һәм көен Илсаф Гыйльметдинов язган.
Җырчының иҗатын яратучылар һәм күзәтеп баручылар Ильмираны премьера белән котлаган һәм «текә җыр» дип канатландырганнар.
«Вәт, шулай, балам! Табигать турында күбрәк җырла, табигатькә барыбыз да гашыйк. Молодец! Яңадан-яңа җырларыңны көтеп калабыз»;
«Киләчәгең якты, матур булсын. Үзең эчтәлекле җырлар язасың, матур җырлыйсың да. Зур рәхмәт сиңа. Сәламәт булыгыз үзең дә, балаларың да!»;
«Бик матур җыр, елап тыңладым. Бер генә сөйгән яр булсын, дип кияүгә чыгабыз. Гаиләнең кадерен белеп бетермиләр шул. Ильмира, гомерле җыр булсын, кат-кат тыңладым», – кебек комментарийлар да калдырганнар.
