Популяр алып баручы Гөлназ Сәфәрова «Татар Радиосы»ннан киткән. Бу хакта ул социаль челтәрләрдә укучыларының сорауларына җавап биргәндә әйткән.
«Нишләп «Татар Радиосы»нда «Музыкаль каймак»ны алып бармый башладыгыз?» – дип кызыксынган «подписчигы»на Гөлназ Сәфәрова: «Рамил Шәрәфиев, Булат Бәйрәмов, Алмаз Гыйльметдинов һәм миңа «Татар Радиосы»ннан китәргә туры килде. Бәлки берәр кайчан сөйләрбез. Әлегә интригалар, аларга катышым булуын теләмим. Андый әйберләрдән ерак торырга тырышам», – дип җавап биргән алып баручы.
Бу үзгәрешләр «Татар радиосы» һәм «ТМТВ» каналына директор итеп Радик Артемьев куелгач башланды.
Эстрада җырчылары Радик Артемьевның кайтуы уңай күренеш дип бәяләгән иде.
