Чечня Республикасының Наурский районында үсмер малай мазутта батып үлгән. Бу турыда «Комсомольская правда» хәбәр итте.
Балалар битум сумаласы тутырылган чокыр янында уйный. Чокыр өстендә битум каткан була. Малайлар шуның өстендә йөри.
Кич белән малайлар сулык янына китә. Алар ташландык участок янында туктала. Шунда кечкенә генә күлгә охшаган сәер урын күрәләр. Аның эчендә кара субстанция була, өслеге катып тора. Нефть калдыкларыннан торган бу күлләвек өстендә балалар уйнарга керешә.
Бер мизгелдә 14 яшьлек малай мазутның каткан өлешеннән ябышкак сумала өстенә егыла һәм бата башлый. Дуслары берничек тә ярдәм итә дә, батучы малайны коткара да алмый.
Мәрхүм баланың мәетен махсус техника белән генә алалар. Тикшерү эшләре бара, диелә хәбәрдә.
