Рината Тэй тормышындагы мөһим вакыйга белән социаль челтәрдәге сәхифәсендә уртаклашкан. Җырчының балачак хыялы тормышка ашкан.
«Матурлык бәйгесе! Балачактан ук барысы да аңа карап соклана, аңа охшарга тырыша торган кыз булырга хыялландым. Һәрвакыт кешеләрне үземнең талантым аша илһамландырырга тырыштым. Балачак хыялы чынга ашу – ышанмаслык хәл...
Бүген мин Санкт-Петербургта «Ты уникальная Миссис 2023» Бөтенроссия матурлык бәйгесендә, горурлык белән, Республикабыз исеменнән чыгыш ясыйм. Әйләнә-тирәмдәге вакыйгалар уңаеннан еш-еш сулыш алам, дулкынланып калтыранам. Бөтен галәмгә һәм миңа теләктәшлек күрсәткән һәрбер кешегә рәхмәтләремне җиткерәм.
Бик тиздән сезнең Рината Тэй софитлар яктылыгында балкыячак», – дип, хис-кичерешләре белән уртаклашкан җырчы.
«Минем горурлыгым!», «Уңышлар сезгә!», «Җиңүеңдә шикләнмибез», – дип, җылы сүзләр ирештергәннәр Ринатаның виртуаль дуслары. Без дә Ринатага уңышлар телибез.
Фото: Рината Тэйның социаль челтәрдәге сәхифәсеннән
