Рассада нык булып үссен өчен, оста бакчачылар йөзем җимешен дә файдалана. Бу турыда «Киңәшләр» сайтында язылган.
Йөзем җимеше төнәтмәсендә витаминнар һәм микроэлементлар күп була. Шулай ук анда глюкоза да бар. Яшь үсентеләргә нәкъ менә глюкоза да кирәк.
Бер уч йөзем җимешенә 1 литр кайнар су салып, 1 сәгать чамасы төнәтегез. Сыеклык бүлмә температурасына кадәр суынгач, сөзегез һәм рассадага сибегез. Йөзем төнәтмәсе сипкәнче, туфракка чиста су сибеп, чылатыгыз.
Рассада утырткач, үсентеләр шытып чыкканнан соң 2-3 атна узгач, йөзем төнәтмәсен сибәргә була. Процедураны 10 көнгә 1 тапкыр кабатларга мөмкин. Төнәтмә тулысынча табигый булу сәбәпле, аны артык куллану куркыныч юк, диелә бу хәбәрдә.
