Башкортстанның Учалы районы суды Сәфәр авылы советының элеккеге рәисенә карата хөкем карары чыгарды. Бу турыда Башкортстан прокуратурасына сылтама белән newsbash.ru l хәбәр итте.
Гаепләнүче ир-атка берничә ай дәвамында Сәфәр авылы халкы сукбай этләрдән зарланып сөйли, йорт хайваннарына һөҗүм итү очраклары турында да әйтәләр. Ләкин түрә бу мөрәҗәгатьләрне теркәми, карамый, сукбай этләрне тоту турында гариза бирү тәртибен аңлатмый.
Шулай ук авыл советы рәисе сукбай этләрне тоту белән шөгыльләнә торган эшмәкәргә гариза да бирми. Нәтиҗәдә сукбай этләр саны арта.
2021 елның апрелендә сукбай этләр чирүе 4 яшьлек малайга һөҗүм итә. Бала өе янында велосипедта йөри торган була. Ул бик каты имгәнә һәм урында ук һәлак була.
Гаепләнүче ир-ат гаебен танымый. Суд аны 1,5 елга шартлы рәвештә ирегеннән мәхрүм итте, аңа дәүләт органнарында, җирле үзидарә органнарында вазифа биләү 2,5 елга тыела, диелә хәбәрдә.
