Çĕршывра тулли мар мобилизаци пуçланнăранпа çемье çавăракансен шучĕ ӳснĕ. Авăн уйăхĕн 21-мĕшĕнчен Чăваш Енре 52 мăшăр пĕрлешнĕ. Вĕсене ЗАГСА килнĕ кунах хут уйăрттарнă. Сăлтавĕ – арçынăн çар комисариатĕнчен панă повестка алăра пулнипе çыхăннă. Регистраци тапхăрне кĕскетме тата 8 мăшăр заявлени çырнă. Вĕсен шутĕнче Сергейпа Наталия та.
НАТАЛИЯ МАКАРОВА: «Пирĕн пулас упăшкапа ача пур. Çиччĕре. Манăн пулас упăшкана ятарлă çар операцине илсе каяççĕ. Юпа уйăхĕн 3-мĕшĕнче, иккĕмĕш повесткăпа. Малтан панă повесткипе 28-мĕшĕнче Елчĕке военкомата килмелле пулнă. 28-мĕшĕнче кайнă вăл. Вĕсене халь тепĕр повестка панă. Шăматкун çемье çавăратпăр. Юпа уйăхĕн 1-мĕшĕнче ирхине саккăрта. Саккăр валли пире килме хушнă Загс отделĕ».