ЙХЪАДУ АНАРХАРАКВА
Сочи йакІвшаз Россия инвестиция форум апны РФ а-Правительства а-Председатель Медведев Дмитрий Лагъь КІавкІаз тшауацІнарыхрала а-Корпорация йаднагалыз агІарбара тшахайыргІвазатІ. Ауаъа СКФО аштаква ринвестиция лшараква, «КІавкІаз апны йгІацІырщттІ» дамыгъа зму апкъыгІваква гІарбан.
РФ а-Правительства а-Председатель йзаместитель Хлопонин Александр йгьи Лагъь КІавкІаз ауысквала РФ аминистр Кузнецов Лев Россия а-Правительства аунашвачпагІв Лагъь КІавкІаз тшауацІнарыхрала а-Корпорация ацхърагІарала аокруг апны йдырхъйуш аинвестиция проект шІыцква дрыхадыргІвазатІ.
«УахьчІва Россия а-Правительства абзирала афедеральна органква рахьыла йгІатыцІуата социальна йгьи экономика магІны зму апроектква къральыгІва цхърагІара драдзарала ргІапсща лырхтІ. Йхъаду анархараквала аштаква рацынхара Дмитрий Анатолий йпа хвду аквицІатІ.
ХІацынхара йгьи акъральыгІва цхърагІараква афорум апны йгІарбу апроектква абзазара йалагІжьырныс хІылдыршуштІ» – йаныпІ Темрезов Рашид й-Instagram напа апны.
Афорум йалаз Лагъь КІавкІаз ахъазла змагІны дуу аинвестиция проектква тшрыхадыргІвазатІ, ауат йрыуапІ Каспийск транспорт-логистика Квта, Кавказские Минеральные Воды апны инновация медицина Квта уыхвара датшагьи.