Москвада ўзбек хакери бир ярим йилга қамалди
Москванинг Басман суди ўзбекистонлик 30 ёшли Азиз Абдалиевни компьютерга Windows 7 ва бухгалтерияга оид махсус программаларни ноқонуний юклаш ва ўрнатишга урингани учун 1,5 йиллик қамоқ жазосига ҳукм этди. Ўзбек муҳожири Москванинг Курск вокзалида Windows 7 программасини “харидор” полиция ходимлари компютерига юклаб бериш пайтида қўлга олинди. Полиция расмийларига кўра, ҳибсга олиш пайтида ўзбек “хакери” ёнида қалбаки паспорт ва ҳайдовчилик гувоҳномаси бўлган.