Рөстәм Миңнеханов: «Муса Җәлил туган җиренә мәхәббәтен һәм батырлыгын иҗатында җиткерә»
Каһарман-шагыйрь Муса Җәлилнең бөтен иҗаты Ватанга мәхәббәт һәм аны якларга әзерлеге белән сугарылган. Бу хакта Татарстан Рәисе Рөстәм Миңнеханов үзенең MAX каналында яза.
Татарстан Рәисе бүген Советлар Союзы Герое, татар халкының күренекле улы, сугышчы һәм шагыйрьнең тууына 120 ел тулуын искәртә.
«Фашист концлагерьларында һәм төрмәсендә җәзалап үтерелгән Муса Җәлил гомеренең соңгы минутына кадәр илгә һәм халкына булган антына тугры кала. Туган җиренә булган мәхәббәтен һәм батырлыгын иҗатында җиткерә! Аның рухи көче һәм ватанга тугрылыгы мәңге онытылмас!» – дип язган Рөстәм Миңнеханов.