Казанда коточкыч авария: машина әйләнеп капланды да түбәсендә шуып барды
Казанның Җиңү проспектында светофорның кызыл төсенә чыгарга маташкан машина әйләнеп капланган. Бу турыда «Татарстан 24» каналы хәбәр итте.
Авария юл кагыйдәләрен бозу аркасында килеп чыга. Машиналарның берсе светофорның сары төсе янганда маневрны тәмамларга җыена, шуның аркасында фаҗига килеп чыга. «Татарстан 24» хәбәрчесе шул хакта яза.
Шаһитлар сүзләренчә һәм видеокүзәтү камералары язмаларыннан аңлашылганча, «ВАЗ-2114» машинасы Арбузов урамына таба бара, ул кызыл төскә чыга. Шул ук вакытта Царицыно ягыннан чатка «Лада Гранта» килеп керә. Нәтиҗәдә «ВАЗ-2114» «Гранта»га бәрелә, аннары әйләнеп каплана һәм түбәсендә берничә метр шуып бара.
Бәхеткә, җитди травмалар булмый. Йөртүчеләрнең тырналган урыннары гына бар. «ВАЗ-2114» йөртүчесе иминлек каешын эләктермәгән, ул авария ясауда гаебен танымый. Ике машина да җитди җимерелгән: «ВАЗ» – төзәтеп булмаслык, «Гранта» җитди ремонт таләп итә, диелә хәбәрдә.