Чаллыда коточкыч фаҗига: әнисе кибеттә, әтисе эштә чакта ике нәни бала янып үлгән
Бүген Чаллыда 5 катлы йорттагы янгында ике бала һәлак булды. Россия Тикшерү комитетының Татарстан буенча Тикшерү идарәсе шул хакта җинаять эше ачты. Бу турыда ведомство җитәкәчесенең өлкән ярдәмчесе Андрей Шептицкий «Татар-информ»га хәбәр итте.
Балаларны янгын сүндергәндә коткаручылар таба. Якынча белешмә буенча, аларның әниләре кибеттә, әтиләр эштә булган.
Әлеге фаҗига сәбәпләрен прокуратура да тикшерә. Урынга Чаллы прокуроры вазифаларын башкаручы Антонина Маркова барган. Бу турыда Татарстан прокуроры ярдәмчесе Яна Невмержицкая хәбәр итте.
Балаларга чама белән 4 һәм 6 яшь. Бу турыда «Татар-информ» хәбәр итте.