Татарстанда коронавирустан ир-ат һәм хатын-кыз үлгән
(Казан, 22 июнь, «Татар-информ»). Татарстанда тагын ике кеше Covid-19 коронавирусы корбаны булган.
Татарстан Сәламәтлек саклау министрлыгы матбугат хезмәте хәбәр иткәнчә, Татарстанда коронавирус инфекциясеннән ике үлем очрагы теркәлгән. 1949 елда туган ир-ат һәм 1939 елда туган хатын-кыз коронавирустан үлгән. «Үлем сәбәпләре патологоанатомик экспертиза нәтиҗәсендә ачыкланган. Вирус идентификацияләнгән», — дип ачыклык керттеләр министрлыкта.
Шулай итеп, 22 июньгә Татарстанда 529 кеше коронавирус корбаны булган.
«Татар-информ» хәбәр иткәнчә, республикада яшәүче 2,6 мең чамасы кеше ковидтан соң сәламәтлеге какшау сәбәпле үлгән.