Татарстанда язгы чәчүгә керештеләр
(Казан, 15 апрель, «Татар-информ»). Чирмешән, Аксубай һәм Буа районнарында язгы чәчү эшләре башланды. Тиздән аларга Яңа Чишмә районы кушыла.
Татарстан Авыл хуҗалыгы һәм азык-төлек министрлыгы белешмәсе буенча, бүгенге көндә Чирмешән районында 62 гектарда, Аксубай районында 117 гектарда арпа чәчелгән.
«Аксу агро» 117 гектарда Чепелев сортлы арпа утырта. Аксубай районында 27172 гектарда бөртеклеләр, 12132 гектарда техник культуралар, 6617 гектарда азык культуралары чәчәргә планлаштырыла.
Республикада 1 млн 766 мең гектар мәйданда чәчү эшләре башкарачаклар.
Бүгенге көндә республикада 67,1 гектарда уҗымнарга ашлама кертелгән. Эшләр 36 районда оештырылган.
Республикада актив рәвештә орлыкларны инкрустацияләү бара. Бу эшләрне 32 районда башкаралар, барлыгы 48,7 мең тонна орлык эшкәртелгән, диелә хәбәрдә.