Дүйнөлүк көчмөндөр оюндарынын келерки айлампасын Түркия өткөрүшү мүмкүн
Анда айтылгандай, бул маселе Түркиянын президенти Режеп Тайип Эрдогандын 1-2-сентябрда Кыргызстанга жасаган расмий сапарынын алкагында каралат.
III Дүйнөлүк көчмөндөр оюндарынын салтанаттуу ачылыш аземи 2-сентябрда Чолпон-Ата шаарында өтөт. Ага кыргыз президенти Сооронбай Жээнбековдон сырткары бир нече өлкөнүн президенттери жана өкмөт башчылары катышат деп күтүлүүдө. Алар: Казакстандын президенти Нурсултан Назарбаев, Түркиянын президенти Режеп Тайип Эрдоган, Венгриянын премьер-министри Виктор Орбан, Орус федерациясынын Татарстан республикасынын президенти Рустам Минниханов жана Бириккен Араб Эмираттарынын Фуджейра эмиратынын мураскер ханзадасы шейх Мохаммед бин Хамад бин Мохаммед Аль-Шаркилер.
Оюндар 8-сентябрга чейин уланат.
2014-жылы I Дүйнөлүк көчмөндөр оюндарынан кийин Кыргызстан оюнду Түркияга өткөрүп бере турганы айтылган. Ошо кездеги президент Алмазбек Атамбаев бул өлкөнүн дарегине карата бир катар сөздөрдү айткандан кийин, кайра бул өлкө оюнду өткөрүүдөн баш тартып койгону кабарланган.