Танылган хоккейчы 46 яшендә вафат булган
«Авангард» клубының элеккеге хоккейчысы Евгений Хацей 46 яшендә йөрәк өянәгеннән вафат булган. Бу турыда «Спорт-Эксперсс» хәбәр итте.
Ул Омск клубы составында 2004 елда Россия чемпионы, 2006 елда Европа чемпионнары кубогы иясе була.
Карьерасын тәмамлагач Хацей «Югра» хоккей клубының генераль менеджеры булып эшли. Аннары «Авангард» МХ һәм ВХЛ командаларын үстерү буенча җитәкчесе, хоккей операцияләре буенча директор вазифасында тора. 2022 елда клубның хоккей академиясен җитәкли башлый, диелә хәбәрдә.