Россияда Беларусда йиғилган VGV кроссоверлари нархи арзонлашди
VGV бренди Россияда Беларусда йиғилган U70 Pro ва U75 Plus кроссоверлари нархларини пасайтирди. Ўзгаришлар асосан автомат узатмалар қутисига эга моделларга таъсир қилди. Бу ҳақда Ixbt.com хабар беради.
U70 Pro моделининг автомат узатмали барча версиялари 2-13 минг рублга арзонлашди. Механик узатмали база версияси нархи 2,4 миллион рубль даражасида қолди.
Автомобиль 143 от кучига эга 1,5 литрли турбомотор билан жиҳозланган.
U75 Plus кроссоверининг етти ўринли версиялари ҳам 1-3 минг рублга арзонлашди. Ушбу модель 199 от кучига эга 2,0 литрли турбомотор ва саккиз поғонали автомат узатмалар қутиси билан таклиф этилади.
Иккала автомобиль ҳам оилавий сегментга мўлжалланган бўлиб, 10,1 дюймли Android мультимедиа тизими билан жиҳозланган. U75 Plus замонавий хавфсизлик тизимлари ва электрон ёрдамчиларга эга.