Ўзбекистондаги хусусий мактабдаги ноодатий усул ижтимоий тармоқларда муҳокама бўлди
Ўзбекистондаги хусусий мактаблардан бирида ўқув жараёнига оид янги қатъий қоидалар жорий этилди.
Маълум қилинишича, муассаса ҳудудида телефон ва калькуляторлардан фойдаланиш тўлиқ тақиқланган. Маъмурият ушбу тақиқнинг жиддийлигини кўрсатиш учун ноодатий усулни танлаган.
Яъни, улар қурилмаларни деворга михлаб қўйиш орқали бу қарорни намойиш этмоқчи бўлишган. Калькуляторлар билан бу усул амалга ошган бўлса, телефон эса мустаҳкамлиги сабабли мих билан тешиб ўтилмаган.
Ушбу ҳолат акс этган видео тез орада ижтимоий тармоқларда тарқалди.
Натижада, таълим муассасаларида интизомни таъминлаш усуллари бўйича қизғин муҳокамалар бошланди.