"Триcолор" ўрнатилган сунъий йўлдош қабул қилгичига эга H32NS1 телевизорини тақдим этди
"Триcолор" сунъий йўлдош телевидениеси оператори ички қабул қилгичга эга H32NS1 телевизорини ишлаб чиқарди. Бу ҳақда Ixbt.com хабар беради.
Компания ушбу қурилмани Россиядаги биринчи сунъий йўлдошли телевизор деб атади. Фойдаланувчилар алоҳида қабул қилгич сотиб олишлари шарт эмас, фақат антеннани улаш кифоя қилади.
Янги телевизор 32 дюймли экран, 1366х768 пикселли рухсат ва ақлли функцияларга эга. Қурилма 2 GB тезкор хотира ҳамда Монтаге Sym4 процессори билан жиҳозланган.
Телевизор икки хил режимда ишлайди. Интернетсиз тўғридан-тўғри сунъий йўлдош сигналини қабул қилиши ёки Wi-Fi орқали тармоққа уланиши мумкин.
Тармоқ режимида онлайн кинотеатрлар ва рақамли хизматлар мавжуд бўлади.
Қурилма "Триcолор" экотизимига интеграция қилинган бўлиб, StingrayTV операцион тизимида ишлайди. Телевизор Россия ва Беларусь ҳудудида ишлаб чиқарилмоқда.
Янги модель дастлаб компаниянинг расмий дўконларида сотилади. Унинг нархи тахминан 16,4 минг рублни ташкил этади.