Huawei Энжой 90 Pro Max Хитойда iPhone 17 Pro моделини ортда қолдирди
"Huawei" компаниясининг "Энжой 90 Pro Max" смартфони 2026 йилнинг 16-ҳафтаси якунларига кўра Хитой бозорида сотувлар ҳажми бўйича "iPhone 17 Pro" моделидан ўзиб кетди. "РДОбсерватион" таҳлилий агентлиги маълумотларига кўра, айни пайтда Хитой смартфон бозорида "Huawei" ва "Apple" қурилмалари мутлақ устунлик қилмоқда. Бу ҳақда Ixbt.com хабар беради.
Рейтингнинг юқори поғоналарида ўзгаришлар кузатилган бўлса-да, "Huawei" компанияси 23,2 фоиз улуш билан мамлакатда умумий етакчиликни сақлаб қолмоқда. Иккинчи ўринни ҳар бири 15,8 фоиздан улушга эга бўлган "Apple" ва "Oppo" брендлари бўлишиб турибди.
Кучли бешликдан "Vivo" (15 фоиз), "Xiaomi" (14,2 фоиз) ва "Honor" (10,5 фоиз) компаниялари жой олган.
Жорий йилнинг 23 март куни дебют қилган "Энжой 90" серияси таркибига учта модель киради. Ушбу смартфонлар "Kirin 8000" процессори ва "HarmonyOS 6" операцион тизими билан жиҳозланган.
Маълумотларга кўра, янги туркум сотувга чиққан илк куннинг ўзидаёқ 250 000 дона қурилма ўз харидорини топган.