Бобур Мансуров блогерларга қаратилган танқидларга кескин жавоб қайтарди
Блогер ва актёр Бобур Мансуров интервьюлардан бирида ўз фаолиятига қаратилган танқидлар ҳақида фикр билдирди.
Унинг таъкидлашича, блогерлик ҳеч қандай салбий ёки уятли касб эмас, аксинча, инсон ўз қобилияти ва ижодини намоён қиладиган замонавий майдондир.
Мансуров бу орқали ўзини кичик шахсий телевиденияга эга ижодкор сифатида кўриш мумкинлигини айтди.
Шунингдек, у актёрликни ўрганиб, кейин блогерликка ўтиш ҳақида кўп ўйлаганини ҳам яширмади.
Бироқ унинг фикрича, бунда уялишга ҳеч қандай асос йўқ, чунки ҳар ким ўз соҳасида фаолият юритади.
Бобур Мансуров блогерлар қисқа вақт ичида катта мазмунни етказа олишини таъкидлаб, масалан, уч соатлик фильм мазмунини уч дақиқада томошабинга тақдим этиш мумкинлигини қайд этди.