"Бавария" Бундеслигада "Майнц" меҳмони бўлади
Германия Бундеслигасининг янги чемпиони "Бавария" навбатдаги турда "Майнц" жамоасига қарши майдонга тушади. Учрашув 2026 йил 25 апрель куни Тошкент вақти билан 18:30 да старт олади. Винсент Компани шогирдлари чемпионликни нақд қилган бўлсалар-да, мавсум якунига қадар ўз рекордларини янгилаш ниятида. Агар мюнхенликлар қолган тўртта ўйинда ғалаба қозонса, 91 очко билан Бундеслигадаги шахсий рекордини такрорлайди. Бу ҳақда Goal.com хабар беради.
"Майнц" жамоаси ўз майдонида грандларга қарши муносиб қаршилик кўрсатиши билан танилган. Мезбонлар 2020/21 йилги мавсумдан буён ўз уйида "Бавария"ни тўрт марта мағлуб этишга муваффақ бўлган. Айни дамда турнир жадвалининг ўртасидан жой олган жамоа сўнгги саккизта ўйиннинг фақат биттасида мағлубиятга учради. Бироқ уларнинг уй учрашувларидаги натижалари пастлигича қолмоқда.
Таркибдаги йўқотишларга тўхталадиган бўлсак, "Майнц" сафида Же-Сунг Ли майдонга туша олмайди. Меҳмонлар таркибида эса ҳужумчилар Леннарт Карл ва Серж Гнабри жароҳат сабабли сафдан чиққан. "Бавария" айни дамда Германия кубоги ва Чемпионлар лигаси ярим финалида ҳам курашни давом эттирмоқда. Жамоа мавсум якунида учта нуфузли совринни қўлга киритишни мақсад қилган.