"Ливерпул" дербида охирги дақиқаларда ғалабани илиб кетди
Англия Премьер-лигасининг 33-тури доирасида бўлиб ўтган «Эвертон» – «Ливерпул» баҳси ўз якунига етди ва Мерсисайд дербиси яна бир бор катта драмага айланди. Кескин курашлар билан ўтган учрашувда «Ливерпул» охирги дақиқаларда урилган гол эвазига муҳим ғалабани қўлга киритди.
Учрашувда ҳисобни «Ливерпул» очди, Мухаммад Салоҳ 29-дақиқада аниқ зарба бериб, жамоасини олдинга чиқарди. Бироқ «Эвертон» иккинчи бўлимда Бету орқали жавоб қайтариб, 54-дақиқада ҳисобни тенглаштирди. Ўйин якунигача интрига сақланиб қолди.
Асосий воқеа эса қўшимча дақиқаларда содир бўлди. 90+10-дақиқада Виржил ван Дейк гол уриб, «Ливерпул»га ғалаба келтирди ва дербининг тақдирини ҳал қилди. Шу билан «қизиллар» муҳим уч очкони қўлга киритди.
Учрашув давомида «Ливерпул» иккинчи дарвозабони Георгий Мамардашвили жароҳат сабаб майдонни тарк этишга мажбур бўлди, бу эса жамоа учун қийин вазиятни юзага келтирди.
АПЛ. 33-тур
«Эвертон» – «Ливерпул» 1:2
Голлар: Бету (54) — Салоҳ (29), Ван Дейк (90+10)
«Эвертон»: Пикфорд, О’Брайен, Тарковски, Брантвейт (Кин, 88), Миколенко, Гуйе, Гарнер, Макнил (Жорж, 80), Дюзбери-Ҳолл, Ндиайе, Бету (Барри, 73).
«Ливерпул»: Мамардашвили (Вудман, 58), Жонс, Конате, Ван Дейк, Робертсон (Керкез, 86), Собослаи, Гравенберҳ, Салоҳ, Виртц (Мак Аллистер, 84), Гакпо (Фримпонг, 84), Исак (Нгумоҳа, 72).
Огоҳлантиришлар: Пикфорд (22), Гарнер (90+12)
Бу дерби яна бир бор Мерсисайд тўқнашувларининг қай даражада кескин, эҳсосли ва охиригача кутилмаган бўлишини кўрсатди.