Росеньор “Челси”нинг кечаги мағлубияти сабабларини очиқ таҳлил қилди
“Челси” бош мураббийи Лиам Росеньор Англия Премьер-лигасининг 33-турида “Манчестер Юнайтед”га қарши кечган ва 0:1 ҳисобида якунланган учрашувдан сўнг ўз фикрларини билдириб, ўйинни очиқча таҳлил қилди.
Унинг таъкидлашича, бу жуда оғир ва кескин баҳс бўлган. Жамоа бир қатор хатоларга йўл қўйган ҳамда яратилган имкониятлардан самарали фойдалана олмаган. Агар шундай вазиятлар бой берилаверса, натижани тезроқ тўғрилаш зарурлигини у алоҳида урғулади.
Росеньорнинг айтишича, жамоа янги ўйинни кутиб олмоқда ва у тикланиш учун яхши имконият бўлади. Кейинги турда улар "Брайтон"га қарши майдонга чиқиб, вазиятни тўғрилашга ҳаракат қилади.
Унинг сўзларига кўра, “Челси” бу ўйинда кўплаб хавфли вазиятлар яратган, аммо асосий муаммо имкониятларни реализация қилишда бўлган. Ҳатто тўрт марта тўп устунга теккани ҳам жамоанинг мақсаддан унча узоқ эмаслигини кўрсатган.
Якунда мураббий жамоа яхшиланиш учун тўғри йўлда эканини таъкидлаб, асосий эътиборни аниқлик ва самарадорликни оширишга қаратиш кераклигини билдирди.