Ямал “Атлетико” бош мураббийига мурожаат қилди, катта ўйин кутилмоқда
“Барселона”нинг ёш вингери Ламин Ямал Чемпионлар Лигаси чорак финали жавоб учрашуви олдидан “Атлетико” бош мураббийи Диего Симеонега қарата фикр билдирди.
Ямал ўзини жуда яхши формада ҳис қилаётганини ва бўлажак учрашувни катта интизорлик билан кутяптганини таъкидлади. Унинг айтишича, у ўйин натижасига реал таъсир кўрсатишга тайёр.
«Ўзимни ажойиб ҳис қиляпман, интиқлик билан бўлажак баҳсни кутяпман. Умид қиламанки, ўйин боришига таъсир кўрсата оламан», — деди Ямал.
Ёш футболчи шунингдек Симеонега очиқ мурожаат қилиб, ўйин давомида ўзига қарши тўғридан-тўғри дуэл вазиятларини яратишини исташини билдирди. У ҳимоячилар билан яккама-якка қолиш имкониятини кутаётганини яширмади.
«Кўрамиз, Симеоне менга илтифот кўрсатиб, бирор бир футболчи билан бирга-бир қолдирармикан — шундай бўлишига умид қиламан», — деди Ямал.
Ямал мавсум бошида унга нисбатан билдирилган танқидлар ҳақида ҳам тўхталди. Унинг фикрича, айнан шундай босимли вазиятлар ҳақиқий етакчиларни аниқлаб беради ва у бундай муҳитда ўйнашдан завқ олади.
«Мавсум аввалида ўйинимни кескин танқид қилганлар кўп бўлди, аммо ҳозир шундай даврга келдикки, ҳақиқий қаҳрамонлар саралана бошлайди ва бу менга ёқади. Ўйиндан умидларим катта», — деди Ямал.
У “Атлетико”га қарши баҳсдан катта умидда эканини ҳам қўшимча қилди. «Ўйиндан умидларим катта», — деди Ямал дея унинг сўзларидан иқтибос келтирди Barca Blaugranes.
Эслатиб ўтамиз, жамоалар ўртасидаги илк ўйин “Атлетико”нинг 2:0 ҳисобидаги ғалабаси билан якунланган. Жавоб учрашуви эса бугун тунда бўлиб ўтади.