Бугун "Ланс" сафарда "Фрайбург" билан беллашади. Франция клуби "Европа-парк-Штадион"да "Фрайбург"га қарши плей-оффнинг жавоб учрашувида Европа Лигаси йўлланмаси учун майдонга тушади. Биринчи ўйинда ҳисоб очилмаганди (0:0), шунинг учун бугунги баҳс қизғин паллада ўтиши керак. Учрашувдан олдин лансликлар устози Франк Эз ҳимоячи Абдуқодир Ҳусанов ҳақидаги саволга жавоб
берди.
- Ҳусанов "Реймс" билан ўйинда асосий таркибда тушганди. Хўш, эртага қайси танловда тўхталасиз?- Барча вариантлар столда. Абдуқодир Ҳусанов "Ланс"га келиши биланоқ, тил тўсиғига ва ёш бўлишига қарамай, жуда яхши даражада эканлигини кўрсатди. У ҳимоя марказининг чапида, ўнгида ва марказида ҳаракат қила олади ва ҳар доим яхши ўйин намойиш қилади. Шунингдек, унга Ўзбекистон катталар терма жамоасида бўлиш тажриба орттириш имконини берди.
Жамоалар ўртасидаги учрашув Тошкент вақти билан 22:45 да старт олади.
