Х (собиқ Twitter)даги статистикалар бериб борувчи дунёга машҳур World of Statistics “Сиз Ўзбекистонни биласизми?” дея сўровнома ўтказди.
Сўровномада иштирок этган 30 мингдан ортиқ респондентларнинг 82 фоизи “Ҳа” деб жавоб
берган.
Кадр: ХШунингдек, турли миллат вакиллари мамлакат ҳақида ўз изоҳларини қолдирган. Масалан, қуйида улардан бири тақдим этилади:
“Ўзбекистон Марказий Осиёда жойлашган, бой тарихи, ранг-баранг маданияти ва ажойиб меъморчилиги билан машҳур давлат. Ўзбекистоннинг диққатга сазовор томонлари қуйидагилардан иборат:
1.
Ипак йўли мероси: Ўзбекистон қадимий Ипак Йўлининг муҳим марказларидан бири бўлиб, Шарқ ва Ғарб ўртасидаги савдо ва маданий алмашинувларни осонлаштирган. Мамлакатнинг шаҳарлари, жумладан Самарқанд, Бухоро ва Хива, тарихий ёдгорликлари ва UNESCO’нинг Жаҳон Мероси рўйхатига киритилган диққатга сазовор жойлари билан машҳур.
2.
Ислом архитектураси: Ўзбекистонда ислом меъморчилигининг ҳайратланарли намуналари, жумладан, муҳташам масжид, мадрасалар ва мураккаб кошинлар, гумбазлар ва миноралар билан безатилган мақбаралар мавжуд.
3.
Анъанавий ошхона: ўзбек ошхонаси Ўрта Осиё мероси таъсирида мазали ва хилма-хилдир. Баъзи машҳур таомлар орасида палов (плов), кабоб, сомса, турли хил суюқ овқатлар ва салатлар мавжуд.
4.
Меҳмондўстлик: Ўзбекистон ўзининг самимий меҳмондўстлиги билан машҳур. Меҳмонларга кўпинча сахийлик ва ҳурмат билан муносабатда бўлишади: чой ичиш ва меҳмонлар билан овқатланиш одатлари мисолида.
5.
Табиий гўзалликлар: тарихий ва маданий диққатга сазовор жойлари билан бир қаторда, Ўзбекистон кишиларни лол қолдирадиган табиий манзаралари, жумладан тоғлар, саҳролар ва унумдор водийлари билан танилган. Мамлакатнинг хилма-хил географияси пиёда сайр қилиш, лагер қуриш ва ёввойи табиатни кузатиш каби машғулотларга имкониятлар яратади.
Умуман олганда, Ўзбекистон тарих, маданият, ошхона ва табиий гўзалликка қизиқувчи саёҳатчилар учун айни муддао”.
Бундан ташқари, кўплаб хорижликлар изоҳларда Ўзбекистон Бобур ватани эканини қайд этган. Улардан бири шундай изоҳ қолдирган:
“
Наҳотки ҳиндлар бу мамлакат ҳақида билмаса. Ахир Тож Маҳални бунёд этган Заҳириддин Муҳаммад Бобур Ўзбекистондан келган”.
Яна аксар чет элликлар Ўзбекистон улар саёҳат қилган мамлакатлар орасида энг меҳмондўст эканига урғу бериб, юқори тезликда ҳаракатланадиган Афросиёб поезди ҳақида изоҳ қолдирган. Айримлар эса ўзбек қизларининг гўзаллигини алоҳида қайд этган.
Изоҳлар орасида бир хорижлик Ўзбекистон номининг ўзидан мамлакатни ёқтириб қолганини таъкидлаган. Шу билан биргаликда, Ўзбекистон буюк тарихга эга буюклар ватани экани алоҳида эътиборга олинган. Ўзбекистон дунёда энг яхши ипак матоларни ишлаб чиқариш билан машҳурлиги ҳам айтиб ўтилган.
“
Нақш қилишдан аввал иплар бўялган икат тўқиш санъати Ўзбекистонда асрлар давомида амалда бўлиб келган ва ҳозир ҳам қадрланиб келинмоқда”, — дейилади изоҳда.
