Ким ҳам келишган ва кучли йигит билан тумуш қуришни орзу қилмайди дейсиз. Мазкур қизлар умр йўлдошларига айланган машҳур спортчилар билан учрашиш бахтига муяссар
бўлишган.
Шакира ва Льюис ХемилтонШакиранинг футболчи Жерар Пике билан ажрашганидан кейин яна севиб қолгани кўпчиликни ҳайрон қолдирди. Ўтган ёзда хонанданинг пойгачи Льюис Хемилтон билан ишқий муносабатда бўлгани ҳақида миш-мишлар пайдо бўлганди. Гарчи улар муносабатларини тасдиқламаган бўлсалар ҳам, папараццилар фотосуратлари ва видеоларида кўплаб далиллар мавжуд. Аввал футболчи, энди эса пойгачи…Юлдуз учун спорт муҳим эмас, асосийси, унинг ёнида ажойиб формадаги келишган йигит бўлиши керакдир, эҳтимол.
Тейлор Свифт ва Тревис КелсиСентябрь ойида Тейлор Свифтнинг футболчи Тревис Келси билан муносабатлари маълум бўлди. Жуфтлик буни оммадан ҳам, камералардан ҳам яширмайди, хонанданинг ўзи мунтазам равишда севгилисининг ўйинларига боради. Юлдуз муносабатларда бой тажрибага эга. Тейлорнинг кўплаб йигитлари бўлган, қизиқ, бу сафар қанчалик жиддий? Инсайдерлар бу ҳикоянинг бахтли якунланишини башорат қилмоқда. Улар хориж ОАВларига жуфтлик ёзда унаштирилганликларини эълон қилишлари ҳақида хабар беришди.
Ирина Шейк ва Том БредиАйрим мухлислар Ирина Шейк Бредли Купер билан ажрашганидан афсусда бўлса, бошқалар унинг футболчи Том Бреди билан танишганидан хурсанд. Уларнинг муносабати фақат ўтган ёзда пайдо бўлган миш-мишлар орқали маълум. Мазкур севги ҳали вақт синовидан ўтмаган, шунинг учун модел шахсий ҳаёти тафсилотлари билан бўлишишга шошилмаяпти. Бироқ инсайдерларнинг сўзлари ва папараццилар кузатуви натижалари янги жуфтликка бўлган қизиқишни кучайтирмоқда.
Жоржина Родригес ва Криштиану РоналдуСон-саноқсиз моделлар Криштиану Роналдунинг эътиборига тушишни хоҳлайди, лекин айнан Жоржина Родригес унинг қалбини забт эта олди. Модель ва футболчи 2019 йилда турмуш қуришган. Бу бир қарашда севги бўлган — Роналду бир ижтимоий тадбирда тасодифан Родригесни кўриб қолади ва юраги жиз этади. Футболчи севгилисининг ҳаётини яхши томонга ўзгартирибгина қолмай, уни янада машҳур ва бой қилди.
Виктория ва Девид БекхемВиктория ва Девид Бекхем турмуш қурганига деярли 25 йил бўлди. Викториянинг ўзи ҳам спортни яхши кўради. У Девид билан бирга машғулотларга боради, тўрт фарзанднинг онаси бўлишига қарамай, у ҳали ҳам нозик ва турмуш ўртоғига мос. Кўп йиллар давомида ҳасадгўй одамлар бир неча бор эр-хотин ўртасига низо солишга ҳаракат қилган, аммо бу юлдузларнинг севгиси интернетдаги миш-мишлардан кўра кучлироқ чиқди. Дарвоқе, Девид ўғилларида футболга меҳр уйғотган. Ўғилларидан, айниқса, Ромео муваффақиятли спорт карьерасига эга.
